Isbeddal Bulsheed

Waxaa dhab ah in aan dhibaato kujirno, Soomaali ahaan, ama wixii la oran jirey jamhuuriyaddii Soomaaliya. Waa yaryihiin illaa hadda wax kahadlaya, sidhab ah dhibaatada dhaqaale, siyaaso ama bulsho oo haysta ummadda Soomaaliyeed ee kunool geeska Afrika. Dadkaas oo ay meesha kabaxday dawladdii ay dugsanayeen, muddo lix iyo labaatan sanona kujira dhibaatooyin iyo jaahawarreer bulsho. Dhibaatooyinka haatan haysta Soomaaliya maahan wax si dhab ah loogakaban karo, gaar ahaanna in dawladnimadii ay dib usoonoqoto. Dawladdii Soomaaliyeed oo ay meesha kasaareen dawlado badan oo col la ahaa, iyagoo adeegsanaya wax magaroto Soomaaliya iyo kuwo muslima, waxay wali Marti utahay kuwii dumiyey laftigoodii. Sidee uga rajaynkartaa qofkii kudilay, inuu haddana kunooleeyo oo uu waxkutaro?
Inkastoo marka lagasoo tago dhibaatooyinka dibadda inagayimaada, kuwo dhexdeennaa, ee kusalaysan nacaybka qabyaaladda kusalaysan iyo diinta been abuurkaa, ay yihiin kuwo ugudaran een ladawayn Karin. Oodo dhacameed, siday ukalakorreeyaan ayaa lookalaqaadaa, waa maahmaah Soomaaliyeed. Inta aynaan kahadlin faragalinta shisheeye, ha ahaato reer galbeed, mid Afrikaan ama mid Carbeed, haddana haddii aan xal kagaarro dhibaatooyinka dhexdeennaa, faragalintu micno mayeelanayno. Haddaba maxay yihiin waxa nagadhexeeya? Majiraan nacfiweyn oo dalka yaalla oon iskuhaysanno! Dhibaatada ugu weyn ee noodhexeeyaa waa wadaagga dawladnimada . Taas ayaa keentay in siyaasiyiin dano siyaasadeed leh ay bulshada colaad kudhex abuuraan, ama siyaasiyiin dano gaara leh ay bulshada kudhex abuuraan khilaaf diimeed. Taasina waxay keentay iney dawladihii shisheeyaha ahaa ay maalgashtaan dhibaatooyinkaas diin-siyaasadeed ee dalka naafeeyey. Marka dhibaatada ugu weyni waa qaybsiga nacfiga dawladnimada iyo qandaraasyada khiyaanada ah ee siyaasiyiinta lagalaan dawladaha shisheeye! Heerka aqoondarrada ee bulshada dhexdeeda oo aad usarreeya, ayaa keentay in bulshadu aysan aad ufahmikarin khiyaanooyinka siyaasiyiinta magacooda kuqaraabta. Sidaas daraadeed, ayaa qofkasta oo xoogag lacaga haysta, cidduu doono ha ahaadee, soomaali ama shisheeye, uu wuxuu rabo kasamaynkaro Somaliya. Waana taas midda keentay, in dawlado shisheeye ay ciidamo kaqortaan Soomaaliya oo waxay doonaan sameeyaan. Qofka Soomaaliga ah, een wax aqoona lahayn, haddii aad mushaar siiso, xitaa mushaar aan saas uweynayn, waxkastaa wuukuisamaynaa, xitaa haddii aad udirto reerkooda ama qaraabadooda soolaayo! Waxaan ubaahannahay isbeddal dhinackasta ah, waliba dhanka fekerka ah! Sida aan ufikerno! Sida aan u aragno adduunka. Tusaale ahaan, waxaan u aragnaa in Yuhuuddu ay yihiin dad aad uxun oo Ilaahay nacay, laakiin Sucuudiga oo saaxiib dhaw la ah Yuhuudda, iney yihiin dad barakaysan oo Ilaahay jecelyahay! Waxaa tusaale fiican kuu ah dagaalka dadka Muslimiintaa ee Yemen iyo Suuriya, sida ay isuguraacsan yihiin!

Somalia: Meel laguqayilo

Haddii lagu yiraahdo Somalia maxay tahay? Si fudud ayaad udhihi kartaa, waa meel laguqayilo, dadkeeduna ay daroogaysan yihiin. Markii waagii beryo dhammaan xafiisyada dawladdu waa xiranyihiin, illaa lagagaaro Shan saac. Waxyar kadibna waxaa soodhacaya qaadkii, waana laxirayaa dhammaan xafiisyada. Wax hawl ah oo ay qabtaan xafiisyadu maleh, wax hawl ah oo socotana maleh!
Ma awoodikaraan madaxda dawladdu iney arrintaas soofarogaliyaan, waayo iyaga ayaa lafaragalinaa! Haddii aad mooddo Somalia Meel xora, oo dadku aayahooda katashtaan, sidaa maaha! Dhibaatada qaadku waagii hore waqooyi ayey kajirtey, laakiin hadda meel kasta ayuu gaaray! Markaa aayatiinka Soomaaliya waa mugdi, halayaabin sababta ay dadku badda isugugurayaan ama dagaalka aan qaabka lahayn ugu jiraan! Fadlan Somalia gargaar ayey kaagabaahantahay, mid maskaxeed, maahan mid kursi raadis!

Wararka been abuurkaa

Internetku wuxuu noqday meelay isuguyimaadeen noockasta oo dada! Kuwo runsheega iyo beensheega! Maalmahaan waxaan internetka ku arkayey dad sheegaya in Abdiweli Gaas iyo Ahmed Madoobe shirkii madasha isagabaxeen! Laakiin waxyaabaha aan layaabay waxay ahayd, Shariif Hassan sheik Aden oo Baydhabo ciddii kutukaday, lamadhihin shirka wuukabaxay! Waxaa kale oon arkayey Abdiweli Gaas oo loodiiday inuu kadhoofo garoonka Aden Adde! Haddana waxaan arkayey Ahmed Madoobe oo Muqdisho kunoqday markuu ciiddii kismayo kusootukaday! Waxaan kale oo arkayey Abdiweli Gaas oo shirkii xalay ee madaxtooyo dhexfadhiya! Inlma adeeryaaloow dadkii kulligood mooryaan miyey noqdeen! Miyaanay jirin nolol maanta kadambaysa? Miyaanay jirin dalkaan iyo dadkaan wax unaxaya! War kulligeen calooshood ushaystayaal miyaan noqonnay? War beentu nolosha kumajirto. Ummad dhan ayaa noloshooda been lagudhisayaa! War qabyaaladdu waa jirtaa oo cid aan kudhaqmin oo Soomaali ah maanta majirto! Laakiin haddiiba aad reer hebel iskadhici kujirto, ogow inaad Soomaali tahay! Ogow in waxa beenta aad usheegayso ay Soomaali oo dhan yihiin, oo waliba ay kujiraan kuwo qabiilkaaga ah! Ninbaa hadda kahor wuxuu iguyiri " Dagaalkii qabyaaladda kusalaysnaa wuxuu kuharay website yada Soomaalida". Waxaan rajaynaa inuusoonoqdo damiirkii kuwa waxqora!

Siyaasiyiinta Somaliland ee baarlamaanka federaalka

Wallaahi aniga waxaa dhakofaar igunoqday siyaasadda caluusaadkaa ee kajirta Somalia! Waxaa la yiri Somaliland waxaa matalaya 11 xildhibaan oo Aqalka saraa iyo 61 Aqalka hoosaa! Haddana Somaliland waxay leedahay nimankaas ma imaankaraan Somaliland, namana matalaan! Oo annagu waan goosannay! Malagayaabaa sababta ay Soomaaliland ugu soobiirola'dahay koonfurta iney tahay caqabad kahaysata nimanka sheeganaya Somaliland oo baarlamaanka Soomaaliya kujira? Haddaba su'aashu waxay tahay, Somaliland mawaxaa matala kuwa muqdisho jooga mise kuwa Hargaisa jooga? Su'aasha kaleeto een idin waydiinaa waxay tahay, inteebay leegtahay saameynta ay xildhibaannada Somaliland ee federaalku kuleeyihiin nabadda koonfurta iyo mid ahaanshaha Soomaaliweyn? Haddii aan su'aalahaas laysweydiin, sooxaq manoqonayso in laysweydiiyo sharci ahaanshaha dawladda federaalka?
Saaxiibdayda reer waqooyigaa ee diiddan koonfur dawladdeeda waxaan kacodsanaa iney kursi maran oo koonfur uyaalla igutaageeraan, waayo dawladdii koonfurta kursi waan kawaayey, oo xitaa kursi .5 ka waankusoo hungoobay! Kolley kursigaasi wax idintarimaayee iisheega mid bannaan, waxaan idiin ballanqaadaa, in marka Somaliland lagahadlayo, aan shirka bannaanka uga baxo! Mahadsanid

Ciidaan ciidba ahayn!

Maanta waa maalin aan caadi ahayn! Ciid yareey waaye! Abaar ayaa waddankii kadillaacday, haddii aad ciyaal tahay oo maantoo dhan aad xaqul ciid kuhayso, cid kusoofiirinaysa maleh! Lacagtii badh Hormuud ayaa xabsi dhigtay oo walax EVC Plus ladhaho ay kushubteen, walaxna waa rifantay oo qasnado ayaa laguxareeyey si aysan udillaacin! Waddankaan dhibaatadii adduunka ayaa kajirta oo dadku waxmagadan karaan! Meel loosoocimroodo maahan! Laakiin dalkale maqabno, seelayeelaa!

Nin ladhacay!

Waxaa layga dhacay dhammaan wixii aan haystay! Soomaalidu waxay taqaannnay geel lakaladhaco, laakiin sidee noqon lahayd markii dalkaagii, diintaadii iyo wixii kale ee kudhexjireyba lagaadhaco! Maxaa kuusooharilaa? Dadka qaar ayaa isleh, war haddii dalkii lagaadhacay, sidee diintii lagaaga dhacay? Illeen Ilaahay meel waliba waajoogaa, waana lacaabudi karaaye! Diintu micno maleh markaad qol iskusooxirto, laakiin markii bulshadu kulaqabto waxaad rumaysantahay micno dheeriya ayey leedahay, oo waxay noqonaysaa xeer bulsho wada xurmayso! Wixii aan kunsano rumaysnayn ayaa habeen qura lagaguuray! Nin kaa hantibadan kaa Alle roon! Macallinkii dugsi quraanka ee shilin shilinka ardada uruursanjirey maalinta arbacada, haddii kun dollar oo mushaara looqoro, suuwuxuu rabo dhigimaayo oo diintii kamatagayo?
Haddii dalkaagii ay doorashadiisii kutartamayaan dawlado shisheeye, oo ninkii ay rabaan madaxweyne kadhigayaan, ciidamo shisheeyana kursiga kuhayaan, makulatahay inuu kutalinayo wax Dan kuu ah? Soo dalkii lagaamadhicin? Haddii dalkaagii iyo diintaadii ladhacay! Maxaa kuusooharay! So in dhuxushii ladhoofiyo maaha! Soo in raashin dhacay lakeeno maaha! Soo in daawo dhacday lakeeno maaha! Soo in iskuullo iyo jaamacado beena lafuro maaha! Soo in isbitaallo beena lafuro maaha! Soo in dalkii laxaraashto maaha! Soo in laqayilo maaha! Soo in latahriibo maaha! Soo in badda lagudhammaado maaha!

Shirka maashaa ee lagukalatagay

Markii aan maqlay in shirkii madasha lagukalatagay
Waa jeclaystay. Dawladda dhexe ee Xamar
Kajirtaayi maahan mid lamahadiyey. Waxaa horseed ka ah niman dhallinyaro aqoon gaaban oo kabaahan Soomaalinimo, iyo dadnimaba. Waxay adeeggii waddanka gacanta ugelsheen nimo tuugo ajaanib ah, oo dagaallo kadhex abuuray bulshadii Soomaaliyeed.
Markaa farxad ayey ii ahayd markii lagukalatagay! Kolley hadda ayaa lagatabatagaa, oo niman gacanta wax ugu jiraan maahin, laakiin intaasaaba noonaruuraa!